एक्लो व्यक्ति हैन म

– विकु नारायण ताम्राकार
पनौती न.पा. ७, काभ्रे

एक्लो व्यक्ति हैन म, देशको अभिव्यक्ति हुँ
राष्ट्रवादको शंखघोष गर्ने एउटा शक्ति हुँ

वीर पुर्खाहरुको जस्तो ममा जोश छ ।
धीर योगीहरुको जस्तो गहिरो होश छ
हावाहुरी आँधीले हुलिन म जाँन्दिन
साँचो देशभक्त हुँ बोलीमा उद्घोष छ

अग्नी जस्तै तातो छु वायु जस्तै बेगिली
धर्ती जस्तै धीर छु सूर्य जस्तै तेजिलो
पानी जस्तै शुद्ध छु साहस यो अदम्य छ
बज्र हुँ म बेरीलाई, छुन हम्य हम्य छ

सिर्जना र सभ्यता, अनि मानवीयता
यिनै मेरा धर्म हुन् कर्म मेरो सत्यता
छाती मेरै देशको संस्कृतिको तास हो
म बोले देश बोल्दछ, यो देशको आवाज हो