रास्वपा चौरिदेउरालीका अध्यक्ष ठगिको आरोपमा हिरासतमा

काभ्रे /भरखरै गठनभएको रास्वपा चौरिदेउराली गाउँपालिका अध्यक्ष ठगिगरेको आरोपमा प्रहरीले हिरासतमालिएको छ ।काठमाडौंका विभिन्न स्थानमा बिना इजाजत अवैध रूपमा शैक्षिक परामर्श केन्द्र (कन्सल्टेन्सी) सञ्चालन गरी ठगी गरेको आरोपमा प्रहरीले राष्ट्रिय स्वतन्त्र पार्टी (रास्वपा) काभ्रे, चौरीदेउराली गाउँपालिकाका सभापति श्रीमान लामा लगायत ६९ जना सञ्चालकहरूलाई नियन्त्रणमा लिएको छ। नेपाल प्रहरीको काठमाडौं उपत्यका अपराध अनुसन्धान कार्यालयले उच्च शिक्षाका लागि विदेश पठाइदिने बहानामा ठगी भइरहेको उजुरी र गुनासोका आधारमा शुक्रबार ९५ वटा कन्सल्टेन्सीमा एकैसाथ छापा मारी उनीहरूलाई पक्राउ गरेको हो।
पक्राउ परेका चौरीदेउराली गाउँपालिकाका रास्वपा सभापति लामाले बिना दर्ता कन्सल्टेन्सी सञ्चालन गर्दै आएको उजुरीको आधारमा नियन्त्रणमा लिएको प्रहरीले जनाएको छ । उनी केही समयअघि मात्रै पार्टीको गाउँपालिका सभापतिमा चयन भएका थिए।
आफ्नो सभापति हिरासतमा पुगेपछि काभ्रेली सासंद
छुटाउन लागि परेको श्रोतको दाबी छ ।यता जति नै दबाब आएपनी प्रहरीद्वारा अस्वीकार गर्दै प्रहरी हिरासतमा राखेर कार्वाही गर्ने बताइरहदा रास्वपाका नेताहरु लामालाई छुटाउन प्रहरी प्रशासनलाई चर्को दबाब दिएको श्रोत खुलाएको छ। तर, प्रहरीले घटनाको अनुसन्धान जारी रहेकाले कानुनी प्रक्रिया पूरा नभई कसैलाई पनि छाड्न नमिल्ने अडान राख्दै आएको छ।

मापदण्ड विपरीतका कन्सल्टेन्सी माथि निगरानी

प्रहरीका अनुसार पक्राउ परेका सञ्चालकहरूले सरकारी मापदण्ड तथा प्रक्रिया पूरा नगरी, दर्ता एवं नवीकरण समेत नगरी बिना इजाजत शैक्षिक परामर्श सेवा, पूर्व तयारी कक्षा र भाषा शिक्षण जस्ता गतिविधि सञ्चालन गर्दै आएका थिए।
यसअघि पनि काभ्रेका १३ वटा शैक्षिक परामर्श केन्द्रमा अनुगमन गर्दा कैफियत भेटिएका २ वटामा शिलबन्दी गरिए तापनि सञ्चालकहरू भने पक्राउ परेका थिएनन्। यस पटक भने प्रहरीले कडा रूपमा प्रस्तुत हुँदै सञ्चालकहरूलाई नै नियन्त्रणमा लिएर कानुनी कारबाही अघि बढाएको हो।
पीडितलाई सम्पर्क गर्न प्रहरीको आग्रह
प्रहरी उपरीक्षक रामेश्वर कार्कीले काठमाडौं लगायत देशका विभिन्न सहरहरूमा शैक्षिक परामर्शका नाममा ठगी धन्दा मौलाउँदै गएको बताउनु भएको छ । उहाँले यस्ता अवैध शैक्षिक परामर्श केन्द्रहरूबाट ठगीमा परेका सर्वसाधारण तथा विद्यार्थीहरूलाई यथाशीघ्र प्रहरीको सम्पर्कमा आउन समेत आग्रह गर्नुभएको श्रोतले खुलाएको छ।