डा. गोविन्द केसीसँग वार्ता गर्न सरकारले गठन गर्‍यो चार सदस्यीय टोली

काठमाडौँ । चिकित्सा शिक्षा क्षेत्रको सुधारको माग गर्दै अनशनमा बस्नुभएका प्रा. डा. गोविन्द केसीसँग वार्ता गर्न सरकारले चार सदस्यीय टोली गठन गरेको छ।

शिक्षा तथा खेलकुद मन्त्रालयले सहसचिव जयराम अधिकारीको संयोजकत्वमा वार्ता टोली गठन गरेको हो। टोलीमा चिकित्सा शिक्षा आयोगका सदस्य–सचिव, स्वास्थ्य तथा खाद्य स्वच्छता मन्त्रालयका प्रतिनिधि र शिक्षा मन्त्रालयको प्राविधिक शिक्षा शाखाका उपसचिव सदस्यका रूपमा रहेका छन्।

मन्त्रालयले डा. केसीले उठाउनुभएका मागप्रति गम्भीर ध्यानाकर्षण भएको जनाउँदै वार्ता र संवादमार्फत समस्या समाधान गर्न अनशनरत पक्षलाई आग्रह गरेको छ।