ज्ञानकुञ्जको म्याराथुन भव्य ढंगबाट सम्पन्न

बनेपा-काभे्रको प्रमुख व्यापारीक केन्द्र बनेपामा फरक शैलि अपनाउंदै आधुनिक गुणस्तरीय शिक्षा प्रदान गर्दै आएको ज्ञानकुञ्ज शैक्षिक प्रतिष्ठानले आयोजना गरेको म्याराथुन प्रतियोथिता सभ्य र भब्य ढंगबाट सम्पन्न भएको छ ।

ज्ञानकुञ्ज शैक्षिक प्रतिष्ठानका अध्यक्ष सुरकृष्ण बैद्यको सभाध्यक्षतामा शनिवार सम्पन्न छात्र तर्फको ७ किलोमिटरको म्याराथुनको उपाधी बालनिकेतन मावि बनेपाका छात्र प्रवेश राईले २७ मिनेटमा पुरा गरेका हुन् । छात्रा म्याराथनतर्फ ३ किलोमिटरको दौड जेसिज स्कूल भक्तपुरकी श्रेयष्का शिल्पकारले १८ मिनेट ५ सेकेण्डमा पुरा गरिन् । छात्राको दोश्रोमा बालनिकेतन मावि बनेपाका सुकराम बम्जनले २९ मिनेटमा पुरा गर्दैै दोस्रो भए । अरफिन्ट तामाङले २९ मिनेट १९ सेकेण्डमा पुरा गर्दै तेस्रो भए ।

प्रथम, दोस्रो र तेस्रो हुनेले नगद १५ हजार, १० हजार र पाँच हजारसँगै ट्रफी हात पारे । त्यस्तै छात्रा म्याराथनतर्फ जेसिज स्कुल भक्तपुर विद्यालयको १९ मिनेट ३ सेकेण्डमा म्याराथन पुरा गर्दै प्रकृति सुवाल दोस्रो भइन भने २१ मिनेटमा यात्रा पुरा गर्दै सेन्टलम एल्बम एकेडेमी बनेपाकी छात्रा दुर्गा श्रेष्ठ तेस्रो भईन् । प्रथम, दोस्रो र तेस्रो हुनेले नगद १५ हजार, १० हजार र पाँच हजारसँगै ट्रफी प्रदान गरेको थियो ।
प्रतियोगिताको विजयी खेलाडीहरुलाई काठमाण्डौं विश्वविद्यालयको उपकुलपती डा.रामकण्ठ माकाजूले पुरस्कार प्रदान गर्नु भएको थियो । प्रतियोगिताको छात्र तर्फको उद्घाटन पनौतीका मेयर भीम न्यौपानेले गर्नुभएको थियो भने छात्रा तर्फको म्याराथुनको उद्घाटन बनेपाका मेयर लक्ष्मीनरिसिंह वादेले गर्नुभएको थियो । सो अवसरमा खेलाडीहरु काभ्रे जिल्लाका एकमात्र अन्तराष्ट्रिय रेफ्रि शसस्त्र प्रहरी निरीक्षक विजय कुमार के.सी., म्याराथुन धावक राकेश तामाङ्ग, हरिसुन्दर बैद्यलाई सम्मान गरिएको थियो ।