लकडाउनमा वित्तीय सेवा सहजै

बिपशना शाक्य
पनौती/कोरोना भाइरसको संक्रमण रोकथाम तथा नियन्त्रणका लागि सरकारले गरेको लकडाउनलाई मध्यनजर गर्दै वित्तीय क्षेत्रमा सेवा पु¥याउँदै आएका संघ संस्थाहरुले स्थानीय प्रशासनसँग समन्वय गरेर अति आवश्यक सुविधा अन्तर्गत एटिएम सेवा लगायत वित्तीय क्षेत्रका सेवाहरु सुचारु गरिरहेका छन् ।

आफ्नो स्थापनाको १८ वर्ष पुरा गरी १९औं वर्षमा प्रवेश गरेको लक्ष्मी बैंकले अहिलेको लकडाउनको परिस्थितिमा पनि आधारभुत तथा अत्यावश्यक बैंकिङ् सेवा सुचारु गरिरहेको सम्बन्धित पक्षले जानकारी गराएको छ ।

महिनामा ४ दिन मात्र कार्यालय संचालन गरेको लक्ष्मी बैंकको पनौती शाखाले ग्राहकहरुको सुविधाको लागि पुरै महिना सुरक्षित तरिकाले ए.टि.एम. सेवा प्रदान गरिरहेको उल्लेख छ । कोभिड–१९ ले विश्व नै आक्रान्त भइरहेको अवस्थामा नेपाल यसबाट अछूतो रहन सक्ने सम्भावना नै रहेन । त्यसमा पनि आर्थिक कारोबार गर्ने वित्तीय संस्थाहरुले सञ्चालन गर्ने ए.टि.एम.मा आउने ग्राहकहरुको सुरक्षाको लागि २४सै घण्टा ज्वरो परिक्षण गर्ने, सेनिटाइजर प्रयोग गरी ए.टि.एम.को सेवा लिन सक्नेछन् । जसको कारण पनौती शाखामा सर्वसाधारणको आकर्षण बढेको स्थानीयहरु बताउँछन् । स्थापना भएको छोटो अवधिमै शाखाले सञ्चालनमा ल्याएको व्यवस्थित सेवाका कारण दैनिक सय भन्दा बढी सेवाग्राहीले सेवा लिँदै आएको बैंकको दाबी छ ।