खबरदारी सभामा युवाहरु

पनौती/बहुदलको गहनाको रुपमा हेरिने सत्तापछिको नकारात्मक क्रियाकलापको विरोध गरिने परिपाटीलाई खबरदारी सभाको रुपमा अगाडि बढाइएको छ । जुन यो व्यवस्थालाई सम्मान गरेर सत्ताको बागडोर सम्हालेको सरकार त्यही संस्कारका विरुद्ध प्रश्न चिन्ह लगाउने कोसिस गरिरहेको छ ।

अहिले नेपालमा मात्र होइन, सिंगो विश्वलाई नै आक्रान्त बनाउन पुगेको कोभिड–१९ नामक भाइरसका नाममा भएको अनियमितताका विरुद्ध सडकहरु गुञ्जिएका छन् । स्वतस्फूर्त रुपमा युवाहरुले मौन रुपमा सुरु गरिएको खबरदारी सभाहरु कुनै पनि बेला ज्वालामुखी भएर विष्फोट हुन पछि नपर्ने अवस्थामा नपुगुन् भन्छन् सभाका सहभागी श्रवणकुमार खिबञ्जारा । उनी भन्छन्– स्वतः स्फूर्त रुपमा उर्लिएको युवाहरुको भावनालाई लत्याउने कोसिस गरियो भने त्यसबाट निस्किने जटिल परिणामको जिम्मेवार स्वयं सरकार हुनुपर्ने र सरकारलाई चुनौतीको रुपमा रहने पनि सभामा सहभागी युवाहरुको कथन थियो ।

कोरोना भाइरसको परीक्षणलाई वैज्ञानिक र भरपर्दाे बनाउनुको साथै आरडिटी परीक्षण प्रणाली हटाएर सोझै पिसिआरको दायरा फराकिलो पार्दै कोभिड–१९ का नाममा भएको खर्चलाई पारदर्शी ढंगबाट सार्वजनिक रुपमा अडिट गराउन माग गर्न सडकमा आएको युवाहरुको दाबी छ । गत शुक्रबारबाट सुरु भएको उक्त खबरदारी सभामा दैनिक १ घण्टादेखि डेढ घण्टासम्म विरोधका स्वरुप प्लेकार्ड, ब्यानर सहित सयौं युवाहरु सडकमा छन् ।