एमसिसी राष्ट्रघाती हो, समर्थकहरु राष्ट्रद्रोही हुन्

यतिबेला मिलिएनम च्यालेन्ज कोर्परेशनका बिषयलाई लिएर कम्युनिष्ट सत्ता धरासायी हुन पुगेको छ । जसबाट नेपाली इतिहासमा कम्युनिष्ट सत्ता सदाको लागि विलय बनाउने खेलमा कार्यकारिणी लागिपरेको पाइन्छ ।
नेपाल अमेरिका बिच भएको सम्झौता सार्वभौममिकता माथिको प्रहार ठहरिएकोले यसलाई समयमा नै खारेज गर्न वान्छनिय हुन्छ भनी देशभक्तहरुको एउटै आवाज छ । एमसिसी राष्ट्रघाती हो भने यसका समर्थकहरु राष्ट्र द्रोही हुन्, उहाँहरुको निचोड छ ।
तर्क कुतर्क बितर्क दिएर यसको बहस गर्नु नै प्रत्युत्पादक हुन्छ ! नेपाललाई नव उपनिवेश बनाउने नयाँ अमेरिकी प्रस्ताव हो एमसिसी । यसलाई रातो कार्पेट बिछ्याएर स्वागत गर्ने सत्ताधारी नेपालका कम्युनिष्टहरुको नियत एकदमै खराब देखिन्छ । नेपाल र नेपालीका लागि अमेरिकी एमसिसी नीति र नियत कोरोना भाइरसको महामारी भन्दा पनि बढी खतरनाक छ । कोरोना भाइरसको संक्रमण मानिसको स्वास्थ्य माथिको आक्रमण हो भने अमेरिकी एमसिसी नेपालको स्वतन्त्र अस्तित्व माथिको आक्रमण हो । यसलाई संसदबाट पारित गरिनु भनेको हाम्रो मुलुकलाई अफगानिस्तान र इराक लगायतका मुलुकले भोगेको जस्तै बाध्यतामा पु¥याउनु हो । यतिखेर पश्चिमा दलालहरुले एमसिसी पास गराउन न्वारान देखिका बल लागाइरहेका छन् भने राष्ट्रवादी नेपाली शक्तिहरुले पनि यसको खारेजी गराउन टुपि देखिको बल लगाइरहेका छन् । अहिले मुलुकभर राष्ट्रघाती शासन व्यवस्था र राष्ट्रवादी नेपालीहरु बिच भिषण वाक युद्ध भईरहेको छ, यसले अर्को युद्धको रुप अवस्य लिन्छ ।
लामो समय देखि भारतीय बिस्तारवाद र अमेरिकी साम्राज्यवाद विरुद्ध मुर्दाबाद नारा लगाउँदै आइरहेका सत्ताधारी नक्कली नेकपा लगायत भारतीय र अमेरिकी स्वार्थको रक्षा गर्न कम्मर कसेर लागेका छन्, नेपालको राष्ट्रिय स्वार्थ गौण बनेको छ । यो भन्दा दुर्भाग्य र बिडम्बना के नै हुन सक्ला ? सत्ता पक्ष र विपक्षी पार्टीलाई विनाशकाले विपरित बुद्धिले ढाकेको छ । नेपाली आमाको प्रताप र कोरोनाको महामारीले राष्ट्रघाती व्यक्ति, शक्ति र तत्वहरुको सर्वनाश निर्मुल हुने बेला आएको छ । समय भन्दा अगाडि भाग्य भन्दा बढी केही नपाइने भने झैं अब राष्ट्रघातीहरुलाई स्वाहा पार्ने र स्वाहा हुने उपयुक्त समय दैविक विपत्ति आएको छ । जनघाती, राष्ट्रघाती दलहरुले बिगत देखि गर्दै आएको पाप धुरिबाट कराए जस्तो देखिएको छ । पाप र अपराधले उचित दण्ड पाउने कुरामा कुनै शंका गरिरहनु पर्दैन । १२ बर्ष पछि खोला पनि फर्कन्छ भन्ने कुरा सत्य जनताको आन्दोलनले उथल पुथुल गरि पुष्टि गरेको इतिहास छ । नेपाल माताको शक्तिलाई निरीह पार्ने अराष्ट्रिय तत्वहरु सखाफ र निस्तेज भएपछि मात्र संसारकै राम्रो देश मध्येको नेपाल झन् राम्रो र सुरक्षित हुनेछ । असल राजनीति र कुशल कुटनीति कायम भई शक्तिशाली नेपाल र नेपाली बन्ने अवसर मिल्ने छ । हामीलाई यो सौभाग्यको योग समेत परेको छ । नेपालमाथि अवाञ्छित हस्तक्षेप र अनुचित दबाब दिने विदेशी शक्तिहरुलाई कोरोना संक्रमणले उठ्नै नसक्ने गरी थला पार्ने संकेत समेत देखिएको छ । नेपालका राष्ट्र र जनघातीलाई पनि कोरोनाले क्षमा होइन भष्म नै पार्ने देखिन्छ । विश्व नै जलवायु परिवर्तन र रोगको उच्च जोखिममा रहेको बेला नेपाल पनि त्यसको खतराबाट मुक्त हुने देखिँदैन । नेपालको प्राकृतिक, भौगोलिक स्थिति, राजनीति, कुटनिती, अर्थतन्त्र लगायत सबै क्षेत्रमा अकल्पनीय परिवर्तन र रुपान्तरण हुने सम्भावना बढेको छ । राष्ट्रघाती शासक र प्रशासकले ठुलै क्षति व्यहोर्नुपर्ने देखिन्छ ।
एमसिसी नेपालको हितमा छैन भन्ने कुरा दो¥याउनु पर्दैन, यसको पक्षमा वकालत गर्ने राष्ट्रिय अपराधी हुन् । मानवशास्त्री एवं अनुसन्धानकर्ता एवं अमेरिकी नगरिक ड. मेरिडेसेनले बहुचर्चित एमसिसी अमेरिकी अनुदान सहयोग (५५ अर्ब) को बिषयमा यो संशोधन सहित पारित होइन खारेजी नै गर्नुपर्ने सुझाव दिएकी छिन् । उहाँका अनुसार नेपालले एमसिसी अस्वीकार गर्नु पर्छ भन्ने उहाँको बिचारमा नेपालको हित हुने अति उत्तम सत्यता छ । दुर्गन्धित र फोहोरी राजनीति र कुटनिती गर्ने बर्तमान सत्ताधारी नक्कली एमालेहरुका लागि एमसिसी भनेको “स्यालको काल आयो भने सहर पस्छ” भन्ने उक्ति जस्तै हो । अहिलेको शासन सत्ता दलाल पूँजीवादीको हो, यो हाम्रो हावापानी विपरित छ । स्पष्ट शब्दमा भन्नुपर्दा अनुदान सहयोगको नाममा नेपालीमाथि सिधै लुटपाट गर्ने निकाय हो यो एमसिसी ।
अमेरिकी प्यासिफिक स्ट्राटेजीको अङ्ग चीन बिरोधी गतिबिधिको अस्त्रको रुपमा देखिएको छ । यसर्थ एमसिसी समर्थकहरुले आफ्नो भविष्यलाई आफै स्वाहा पार्न खोज्दैछन् । एमसिसी समर्थक अमेरिकी दलालहरुलाई देशभक्त नेपालीहरुले धुलो चटाएको दिन हाम्रो मुलुकको यथास्थितिमा कोल्टो फेर्नेछ । यतिखेर दलालहरु संगठित छन् । उनीहरुलाई ध्वस्त र भष्म पार्न आम राष्ट्रभक्त नेपालीहरु संगठित हुन जरुरी छ । राजनीतिक पार्टीका पात्रहरु अधिकांश खराब प्रवृत्तिका देखिएकाले एमसिसिका बारेमा हामीलाई भ्रम छर्दैछन् । भ्रमबाट नेपाली जनताहरु राष्ट्रलाई बचाउन नयाँ दृष्टिकोण, नयाँ बिचार, नयाँ जोखिमका साथ अगाडि बढ्नु जरुरी छ । एमसिसि राष्ट्रघाती मुद्दामा केन्द्रित भएर देशभक्तिपूर्ण आन्दोलनको आँधिबेरी सिर्जना गर्नु नै आजको आवश्यकता हो । यसर्थ, हाम्रो ठम्याई छ राष्ट्रघाती एमसिसी संसदबाट पारित नहुने देखेपछि कार्यकारिणी प्रमुखले झस्केलाबाट एमसिसी पास गर्नका लागि संघीय संसद दोस्रो पटक विघटन गर्न पुगेका छन् । यसबाट को कति राष्ट्रवादी छ भनिराख्नु पर्दैन ! त्यसैले नेपाली जनताहरुले राष्ट्रघाती र राष्ट्रद्रोहीका बारेमा बेलैमा पहिचान गरौं ।