जनप्रतिनिधिको कर्तव्य जनताको सेवा गर्नु हो, कर्मचारीको वकालत गर्ने होईन

जनप्रतिनिधिको कर्तव्य जनताको सेवा गर्नु हजनताबाट निर्वाचित जनप्रतीनिधिहरु भनेको जनताको समस्यामा साथ दिनको लागि चुनिएको हो । मुलुकमा आमुल परिवर्तनको खातिर चलेको द्वन्दका कारण १६ बर्षसम्म स्थानिय तहले जनप्रतीनिधिहरु पाएन । जसका कारण अनताहरुको समस्या सामाधानको लागि नीकै कठिन भयो । लामो समयपछि नेपाली जनताले पुर्ण अधिकार सहितको जनप्रतीनिधि पाउंदा निकै खुसियाली मनाए । सिंहदरवारको अधिकार गाउंमै आउंदै गर्दा नेतृत्व सम्हाल्न आएका जनप्रतीनिधिहरुबाट जनताले ठुलो आशा राख्नु अस्वभाबिक होईन । वास्तबमै जनप्रनीधिको कारण जनताको हरेक समस्या सहजढंगबाट समाधान हुदै आएको छ । विकास निर्माणको कार्यमा निकै ठुलो योगदान पुर्याएका छन् । सिंहदरवारको अधिकार गाउंमै आएको पहिलो कार्य सम्पादनमा विभिन्न खाले समस्या झेल्दै जनताको स्थानिय तहको हितको लागि जनप्रतीनिधिहरुले निकै ठुलो त्याग गरेको छ ।
जनताले निकै लामो समयपछि पाएका जनप्रतीनिधिहरुको कार्यकाल करिव सकिनै लागेको छ । चार बर्ष सम्म जनतामा घुलमिल गर्दै गरेको सफल साथै ऐतिहासिक कार्यको साख जोगाउने समय यो अन्तिम बर्षले गर्छ । विगतका बर्षहरुमा आफुले गरेका राम्रा कार्यहरुको मुल्यांकन गर्दै अन्तिम बर्षमा पनि सोही ढंगले अगाडी बढ्न जरुरी छ । स्थानिय तहको निर्वाचन नजिकदै गरेको भन्दै जनताको काममा पक्षपाति ढंगको व्यवहार भयो भने विगत चार बर्षको योगदान सखाप हुन्छ । विगतमा दलगत विचारबाट माथि उठेर जसरी निश्पक्ष्य ढंगबाट कार्य गरेको थियो त्यसैलाई निरन्तरता दिन सकेमा मात्रै आगामी दिनहरुमा पनि आम जनताले सकारात्मक ढंगबाट सघाउनेमा कुनै शंका रहन्न ।
स्थानिय तहमा धेरै कार्यालयहरु हुन्छन्, कुन कार्यालयबाट जनतालाई कस्तो सेवा दिएको छ भन्ने बिषयमा नियाल्नु अति आवश्यक हुन्छ । स्थानिय तहमा रहेका विद्युत, खानेपानी, बैंक, सहकारी, प्रहरी प्रशासन, सामुदायिक विद्यालय, संस्थागत विद्यालय, दुरसंचार, बिभिन्न एनजिओ आईएनजिओ लगाएतले जनतालाई के केसरी कुन ढंगबाट सेवा दिदैछन् भन्ने बिषयमा नियाल्नु जरुरी रहन्छ । यस्ता कार्यालयहरुले जनतालाई के कस्तो ढंगबाट सेवा दिएका छन् भनि मसिनो ढंगबाट अध्ययन नगरी जनप्रतीनिधिहरुको छेउछाउमा चाकडी चाप्लुसी गरेकै आधारमा काखि च्याप्ने कार्य सकारात्मक हैन । पछिल्लो समयमा आएर विद्युत प्राधिकरणले सेवाग्राहिहरुको मन जित्न सकेको छैन । त्यसैगरी दुरसंञ्चार प्रतिपनि सेवाग्राहीहरु खुसि छैनन् ।
स्थानिय तहका जनताले भोगेका समस्याहरुको बिषयमा जनप्रतीनिधिहरु चनाखो हुनु जरुरी रहन्छ । जनताहरुले लिने सेवामा कतिपय कर्मचारीहरु आर्थिक मुखि साथै गैह्र कानुनी ढंगबाट अगाडी बढेका गुनासाहरु रहेका छन् सेवाग्राहीको । आफु जोगिनको लागि अरु कसैको नाउमा रकम जम्मा गराएर आर्थिक असुल्ने गरेको धेरै उदाहरणहरु रहेका छन् । यस्तो अवस्थामा जनप्रतीनिधिहरुले जनताको समस्याको बिषयमा ध्यान दिन जरुरी रहन्छ । तर कतिपय जनप्रतीनिधिहरुले त्यस्ता कर्मचारीहरुकै पक्ष लिने गरेको पाईन्छ । जनताको हित विपरित कार्य गर्ने गराउने कर्मचारीहरुको पक्षमा वकालत गर्नुको पछाडी केही रहस्य हुन सक्छ । पहिलोत अन्जानको आधारमा र अर्को चाकडीको आधार त्यस्तै उनीहरुको कार्यसंपादनको अध्ययन नहुनु र जनताको आवाजलाई वास्ता नगर्नु । त्यसैले जनताको हितमा कार्य नगर्ने कर्मचारीको पक्षमा जनप्रतीनिधिले वकालत गर्नु राम्रो होइन ।ो, कर्मचारीको वकालत गर्ने होईन