अशक्तका घर–घरमा भत्ता पुर्याउन भ्याई नभ्याई

काभ्रे । कोभिडका कारण शहर मात्र नभई गाउँबस्ती समेत आक्रान्त बनिरहेको अवस्थालाई मध्यनजर गर्दै आसन्न नेपालीहरुको महान् चाडलाई समेत केन्द्रमा राख्दै काभ्रेपलाञ्चोक जिल्लाको विकट बस्ती भनेर चिनिने चौंरीदेउराली गाउँपालिकाका बृद्ध–बृद्धा र शारीरिक अशक्त भएका व्यक्तिहरूलाई सामाजिक सुरक्षा भत्ता घर–घरमै पुगेर गाउँपालिकाका अध्यक्ष आफैंले वितरण गर्नुभएको छ ।
गाउँपालिकाका अध्यक्ष दिननाथ गौतमको विशेष पहलमा उहाँहरूलाई सामाजिक सुरक्षा भत्ता घर–घरमा वितरण गर्न थालिएको हो । आर्थिक वर्ष ०७७।०७८ को सामाजिक सुरक्षा भत्ता बैङ्कसम्म पुगी लिन नसक्ने लाभग्राहीहरूलाई गाउँपालिका, वडा कार्यालय र एन.सी.सी. बैङ्क चौंरीदेउराली शाखाको समन्वयमा घरदैलो मै पुगेर हात हातमा वितरण गरेर वृद्धवृद्धा एवं असक्तहरुप्रति मानवीय सेवा पु¥याएको गाउँपालिका अध्यक्ष गौतमले जानकारी गराउनुभएको छ ।
सो अभियानको सुरुवात चौंरीदेउराली गाउँपालिका वडा नं. ७ मादनकुँडारीबाट आरम्भ भएको छ । यहाँका ८० वर्ष माथिका वृद्ध–बृद्धा र ‘क’ वर्गको अपाङ्गता भएका लाभग्राहीहरूलाई सामाजिक सुरक्षा भत्ता वितरण गरेको गाउँपालिका अध्यक्ष गौतमले जानकारी दिनुभएको छ ।
उहाँले थप्नुभयो– सामाजिक सुरक्षा भत्ता दया वा मायाले पाउने नभई उहाँहरूको अधिकार भएकोले घर–घरमै पुगेर वितरण गरेर सहजीकरणको भूमिका मात्र निर्वाह गरेको गौतमले बताउनुभएको छ । सामाजिक सुरक्षा भत्ता कुनै दया वा माया लागेर दिएको भत्ता होइन, यो उहाँहरूको अधिकार हो भन्नुहुँदै अध्यक्ष गौतम भन्नुहुन्छ– जीवनभर उहाँहरूले राष्ट्रको लागि ठूलो योगदान पु¥याउनु भएको छ । जिउँदो इतिहास हुन् उहाँहरू । त्यसैले बैङ्कसम्म पुग्न नसक्नेलाई घर–घरमा भत्ता पु¥याउनु स्थानीय सरकारको दायित्व हो । त्यही दायित्व हामीले पूरा गरेका छौं ।
सामाजिक सुरक्षा भत्ता वितरण गर्न वडाको प्रतिनिधित्व गर्दै घरदैलो अभियानमा सम्बन्धित वडाका वडा अध्यक्ष, वडा सदस्य लगायत पालिकाबाट पञ्जीकरण इकाईमा कार्यरत कर्मचारी एम.आइ.एस. अपरेटर अनिल तामाङ, बैङ्कको तर्फबाट असिस्टेन्ट सञ्जीव लामा लगायतका व्यक्तित्वहरु परिचालित हुनुभएको गाउँपालिकाले जनाएको छ ।