देशभक्त होस्

पौडेल विमुन्स, पोखरा

जीवन जाला गलत दिशाम
उत्सव होलान् फगत निशामा
मोह पलायो ह्रदय जलायो
दौलतले नै सुख सब खायो ।

हेर्छु विहानी अति द्धिविधामा
लाग्छ कहानी पनि शुभ नाम
मेटिन सक्ने सकल कुरा छन्
बेचिन सक्ने सवल युवा छन् ।

देश भुलेका युवा कता छन्
जोश उमार्ने नवल कथा छन्
आज हराए युवक उज्याला
काँध भएछन् किन यति हाला ।

मर्म बढेका किन बुझिँदैनन्
मर्म निभेका उदय हुदैनन्
पुत्र धराका किन नबनेर
व्यक्ति खुशी छन् धर नचिनेर ।

स्वार्थ हियामा नरहन सक्ने
जन्म भएको समय परख्ने
शान्त स्वाभावी दक्ष युवा होस्
देश सिँगार्ने लक्ष्य सदा होस् ।