निम्तो

माधव खतिवडा
निजगढ १२, हाल पोखरा महानगर ८

म निम्तो दिन आएको
बारा जिल्ला देखि
चुले निम्तो छ यहाँलाई

आउनुहोस,
सेन ऐतिहासिक कला हेर्न
गढिमाईमा पाईला टेक्न ।

चारकोसे झाडिबिच
काँचघाटका शितल छटाहरुमा
हलखोरिया पोखरी,
जंगल सफारि गर्न ।

आउनुहोस चुले निम्तो छ ।
यहाँलाई हाम्रो जिल्लामा
स्वागत छ
छन् प्राग ऐतिहासिक चिजबिज
असरल्ल खोज बिना
पहिलो रेलका अवशेषहरु
पहाड छिर्नेअमलेख राखिने
पहिलो सुरुङ मार्ग, चुरे

आउनुहोस सयर गरौँ
स्वागत छ यहाँलाई

झरना हेर्ने कि कृषि
कटहर,आँप हेर्ने कि लिच्चि
धान कसरी झुल्छ,
तोरि कसरी फुल्छ ।
माछा हेर्ने कि हरिण
जहाज हेर्ने कि मरिण

आउनुहोस बारामा स्वागत छ
यहाँलाई ।

सेलोमा नाच्ने कि थरुनी
भोजपुरि नाच्ने कि मारुनी ।
देशको यो
मिल्किएको मणि ।

आउनुहोस् बारामा यहाँलाई
स्वागत छ
शुद्ध, बुद्ध मनले स्वागत छ ।