लायन्स क्लब अफ काठमाडौ इन्द्रेश्वर ३२५ आइ को अध्यक्षमा थापा

बिपशना शाक्य
काभ्रे । विगत लामो समयदेखी सामाजिक सेवामा समर्पित रहँदै आएको लायन्स क्लव अफ काठमाडौ इन्द्रेश्वर ३२५ आइ को अध्यक्षमा लायन डायमण्ड थापाले पदभार ग्रहण गर्नुभएको छ ।
सन् २०२१—२०२२ का अध्यक्ष प्रल्हाद शर्मा हुमागाईले शनिबार एक कार्यक्रमका विचमा सन् २०२२—२०२३ को लागि लायन डायमण्ड थापालाई उक्त पद हस्तान्तरण गर्नुभएको हो ।
सन् २०१४ सालमा काभ्रेको पनौतीमा स्थापना भएको लायन्स क्लब अफ काठमाडौ इन्द्रेश्वर ३२५ बि १ निरन्तर रुपमा सामाजिक हितको खातिर कार्यहरु गर्दै अगाडी बढेको उक्त क्लब रि–डिष्ट्रिकिङ पछि ३२५ आइ मा परिणत भएको छ । वनको राजा सिंह भने झैं सामाजिक कार्यमा अब्बल ढंगबाट सेवा गर्दै आएको क्लवले सामाजिक हित चाहने व्यक्तित्वको मन जित्न सफल भएको छ ।
पद हस्तान्तरण कार्यक्रमका प्रमुख अतिथि डिष्ट्रक को—अडिनेटर लायन पवन कुमार थापाले सामाजिक कार्यको लागि निस्वार्थ ढंगले अगाडी बढ्ने संस्थाहरुको राजा लायन्स क्लब भएकै कारण यसको पहिचान पनि सिंहसँग दाँजिएको छ । हामी सेवाको भावनाले पे्ररित भएका व्यक्तिहरुको समुहले समाजमा हितको लागि कार्य गर्दै आएका छौं, थापाले थप्नुभयो । हामीले क्लव देखाउनको लागि खोलेको हैन, वचेको समयलाई सामाजिक कार्यमा खर्चिएर समाजलाई परिवर्तनको दिशातर्फ अग्रसर गर्न क्लव खोलेका हौं प्रमुख अतिथि थापाले भन्नुभयो ।
कार्यक्रममा सामाजिक व्यक्तित्व लायन प्रधुम्न श्रेष्ठले लायन्स क्लब अफ काठमाडौ इन्दे्रश्वर ३२५ आइ लाई अगाडी वढाउन लामबद्ध हुनुहुने लायन्स लिडरहरुले राम्रा कार्य गरेकै कारण आज सशक्त रुपमा अगाडि बढ्न सफल भएको बताउनुभएको छ । उहाँले थप्नुभयो, लायन्स क्लब अफ काठमाडौं इन्द्रेश्वर ३२५ आइ ले निस्वार्थ ढंगबाट सामाजिक कार्यमा जुट्दै आएकोले आगामी दिनमा अन्य क्लवहरुसँग पनि सहकार्य गर्दै अगाडी जाने विश्वास व्यक्त गर्नुभएको छ ।
कार्यक्रममा संस्थापक अध्यक्ष रामकुमार बस्नेतले सन् २०२१—२०२२ का अध्यक्ष प्रल्हाद शर्मा हुमागाईले कोभिडको महामारीमा समेत क्लबको साखलाई निरन्तरता दिँदै सामाजिक हितको खातिर कार्य गर्न सफल भएको बताउनुभएको थियो । राम्रो कार्य गर्दै अगाडी बढेकै कारण लायन्समा जोन चेयर पर्सनको उपाधि प्राप्त गर्न सफल भएकोमा खुशी व्यक्त गर्दै सफल कार्यकालको शुभकामना समेत दिनुभएको थियो ।
कार्यक्रमका सभापति एवं लायन २०२१—२०२२ का अध्यक्ष प्रल्हाद शर्मा हुमागाईले संस्थापक अध्यक्ष लगायतका पुर्वजहरुको साथ र सहयोगका कारण कोभिडको महामारी हुँदै गर्दा पनि सामाजिक कार्यको क्षेत्रमा अघि बढ्न सकेको धारणा राख्नुहुँदै अडिट रिपोर्टका साथमा आफ्नो कार्यकालको आर्थिक विवरण प्रस्तुत गनुभएको थियो ।
त्यसैगरी नव निर्वाचित अध्यक्ष डायमण्ड थापाले आफ्नो कार्यकालमा गरिने सामाजिक कार्यको खाका प्रस्तुत गर्दै सामाजिक हितको खातिर निरन्तर अगाडी बढ्ने प्रतिबद्धता व्यक्त गर्नुभयो । समय समयमा लायन कार्यालयमा जम्मा भएर सामाजिक हितको खातिर कार्य गर्ने बताउनुभयो ।
लायन्स क्लब अफ काठमाडौं इन्द्रेश्वर ३२५ आइ का सेक्रेटरी लायन बिपशना शाक्यले सञ्चालन गरेको कार्यक्रममा लायन अन्जु रन्जित, लायन प्रकाश श्रेष्ठ लगायतले शुभकामना मन्तव्य व्यक्त गर्नुभएको थियो । उक्त कार्यक्रममा सम्राट मैनाली लियो क्लव अफ काठमाडौ इन्द्रेश्वर ३२५ आइ को निर्वाचनबाट अध्यक्षमा निर्वाचित हुनुभएको छ ।
कार्यक्रममा लायन्स वर्ष २०२१÷२२ लाई सफलतापूर्वक सम्पन्न गर्न महत्वपूर्ण योगदान पु¥याउने संघसंस्था तथा लायन्स लिडर्सलाई सम्मान गरिएको थियो ।