काभ्रे । माननीय महावाणिज्यदूत हरि धरेलले डेनमार्क सरकारको सहयोगमा सञ्चालन भएका कार्यक्रमहरुको अनुगमन गर्ने क्रममा बनेपा नगरपालिकाद्वारा आयोजित कार्यक्रमलाई सम्बोधन गर्ने क्रममा आज डेनमार्क राजदूतावास फिर्ता गर्न जनस्तरबाटै पहल गर्नुपर्ने बताउनुभएको छ ।

कोभिड–१९ को समयमा नेपाल सरकारले डेनिस नागरिकहरुको सुरक्षाका खातिर पु¥याएको योगदानको डेनमार्क सरकारले उच्च मूल्यांकन गरेको स्मरण गराउनुहुँदै महावाणिज्यदूत धरेलको थप कथन थियो– पुरानो जुन सम्बन्ध छ, त्यो सम्बन्धलाई स्थापित गर्न आ–आफ्नो स्थानबाट सहयोग पु¥याउन सबै नेपाली जनहरुलाई आग्रह समेत सो अवसरमा गर्नुभएको छ ।

समृद्ध बनेपा नगर बनाउनका लागि हातेमालो गर्न हामी तयार छौं ः नगर प्रमुख शाक्य

कार्यक्रममा अतिथिहरुलाई सम्मान गर्दै बनेपा नगरपालिकाका प्रमुख शान्तिरत्न शाक्यको कथन थियो– २५ वर्ष अगाडि स्थापित सम्बन्धलाई नगरपालिका परिवार गुमाउन चाहँदैन । के गर्दा पुरानो सम्बन्धलाई अझै प्रगाढ बनाउन सकिन्छ, त्यसका लागि नगरपालिका जुनसुकै मूल्य चुकाउन पनि तयार रहेको बताउनुहुन्छ ।
आज जुन अवसर जुटेको छ, यो अवसरलाई बनेपा नगरपालिका गुमाउन चाहँदैन । त्यसैले विगतमा जुन–जुन कार्यक्रमहरु नगर र नगर बाहिर सञ्चालित थिए, ति कार्यक्रमहरुलाई निरन्तरता दिन महावाणिज्यदूतमार्फत् डेनमार्क सरकारसँग नगरको आग्रह रहेको बताउनुभएको छ । विशेष गरी डेनमार्क सरकारले विशेष क्षमता भएका बालबालिकाको क्षेत्रमा अनुकरणीय कार्य गरेको छ । त्यो गुण नेपाली नागरिकहरुले बिर्सने छैनन्, त्यसले पनि डेनमार्क दूतावास छिट्टै नेपालमा पुनः स्थापित होस् भन्ने आग्रह गर्नुहुँदै नगर बनाउनका लागि नगरवासी साथै सम्पूर्ण तह र तप्काका दिग्गज व्यक्तित्वहरुसँग सहयोगको अपेक्षा राखेको छु भन्नुहुँदै निर्वाचनमा स्वभाविक प्रक्रिया हो, एउटा अगाडि र अर्काे पछाडि हुन्छ । त्यसैले यहाँ कसैले हारेको छैन भन्नुहुँदै आफ्ना प्रतिस्पर्धी नेतृत्वहरुलाई समृद्धि बनेपा नगर बनाउनका लागि हातेमालो गर्न आग्रह समेत गर्न पछि पर्नुभएन नगर प्रमुख शाक्य ।

उक्त कार्यक्रममा समाजसेवी एवं सल्लाहकार डा. उत्तमकृष्ण कर्माचार्यको कथन थियो– आजभन्दा २५ वर्ष पुरानो डेनमार्क र बनेपा नगरको सम्बन्धलाई फेरि एकपटक जोड्ने अवसर मिलेको छ, त्यसलाई मूर्त रुप दिनका लागि जुन जिम्मेवारी बनेपा नगरले दिएको छ, त्यसलाई स्थापित गर्ने अवसरको रुपमा आजको कार्यक्रमलाई लिएको छु । डेनमार्क सरकार र बनेपा नगरबीचको २५ वर्ष पुराना सम्बन्धले नगरको विकासको लागि जुन एजेण्डाहरु पस्केको छ, त्यसको निरन्तरताको अपेक्षा फेरि पनि नगरले राखेको छ । यसलाई स्थापित गराउन महावाणिज्यदूतले सकारात्मक भूमिका निर्वाह गर्नुहुनेछ भन्ने विश्वास राख्दछु ।
तत्कालिन अवस्थामा १६ वटा एजेण्डाहरुमा सहमति भएको स्मरण गराउनुहुँदै डेनमार्क सरकारबाट काभ्रे जिल्लाका ९८ गाविसहरुमा अपांगता सम्बन्धी सर्वेक्षण भएको र ति अपांगता भएकाहरुका लागि स्वास्थ्य, शिक्षाको सवालमा महत्वपूर्ण भूमिका हुनुको साथै बनेपा नगरलाई प्रविधियुक्त नगरपालिका बनाउन प्रदान गरेको सहयोगको चर्चा समेत डा. कर्माचार्यले उक्त अवसरमा व्यक्त गर्नुभएको थियो ।
कार्यक्रममा पार्टी प्रतिनिधिहरुको तर्फबाट नेकपा एमालेका नगर अध्यक्ष रत्नकुश रंजित, नगर उपप्रमुख विमला सापकोटा दाहाल, प्रमुख प्रशासकीय अधिकृत प्रकाश आचार्य लगायतले डेनमार्क सरकारले पु¥याएको योगदानका बारेमा चर्चा गर्नुभएको थियो ।

सोही अवसरमा नार्काेण नेपालका अभियन्ता बसन्त कुँवरले दुव्र्यसन रहित नगरका लागि नगर प्रमुख समक्ष आग्रह गर्दै समग्र नगरलाई स्वस्थ बनाउन लागि प्रस्तावना पेश गर्नुभएको छ ।