सामाजिक अभियान्ता बादेको जिम्मेवारीमा चण्डेश्वरी साकोस

काभ्रे । सहकारीको क्षेत्रमा राष्ट्रियस्तरमै पहिचान दिन सफल चण्डेश्वरी बचत तथा ऋण सहकारी संस्था लि.को जिम्मेवारी सामाजिक अभियान्ता नविनभक्त बादेको काँधमा आएको छ ।
“चण्डेश्वरी हजुरको हातमाः हजुरको समृद्धि चण्डेश्वरीको साथमा” भन्ने नाराका साथ समुदायमा आधारीत सहकारी संस्था चण्डेश्वरी बचत तथा ऋण सहकारी संस्था लि. बनेपाको ३० औं वार्षिक साधारण सभा सोमबार सम्पन्न भएको छ ।
कोषाध्यक्ष नविनभक्त वादेले आ.व. ०७८÷०७९ को लेखापरीक्षण प्रतिवेदन प्रस्तुत गर्नुभयो । सचिव रामप्रसाद श्रेष्ठले वार्षिक प्रगति प्रतिवेदन प्रस्तुत गर्नुभयो । ८ हजार १ सय ३३ शेयर सदस्यबाट ११ करोड ४५ लाख ७७ हजार ६ सय शेयर पूँजी संकलन, ८५ करोड ५५ लाख ३४ हजार ९ सय २६ वचत निक्षेप संकलन, १ करोड ८७ लाख ७९ हजार ७ सय चालू दायित्व रहेको छ । कुल पूँजी तथा दायित्व १ अर्व १६ करोड ३७ लाख ९३ हजार ६ सय ४० रहेको छ । १२ करोड ४६ लाख ६ हजार ६ सय २२ व्याज आम्दानी गर्न सफल भएको छ ।
सोमबार सम्पन्न ३०औं वार्षिक साधारण सभाले नयाँ सञ्चालक समिति निर्वाचित गरेको छ । जसको उपाध्यक्ष रमेश काजी श्रेष्ठ, सचिव बुद्धरत्न मानन्धर, कोषाध्यक्ष हेमन्तराज प्रधान, सहसचिव रोशना राजवंशी, सदस्यहरु वद्रीनाथ वादे, पूर्ण पोटे, जितेन्द्र भक्तपोटे, रुकमणी राजभण्डारी रहनु भएको छ । रामप्रसाद श्रेष्ठको संयोजकत्वमा सदस्यह सुरेन्द्र प्रजापति र विनय कृष्ण कायस्थ रहेको लेखा सुपरिवेक्षण समिति निर्वाचित गरेको छ । संस्थाका प्रमुख कार्यकारी अधिकृत झलेन्द्र प्रसाद दाहालका अनुसार सहकारीले सदस्यहरुको आर्थिक उन्नत, उद्यमशीलताको विकास गर्दै अघि बढेको बताउनुभएको छ । संस्थाले प्राकृतिक मृत्युराहत, घातक रोग उपचार, सवारी दुर्घटना उपचार खर्च, आगलागीबाट भएको क्षति वापत भएको राहत, महिला सदस्य प्रसुती पौष्टिक आहार दुर्घटना मृत्यु राहत र महिला सदस्यको तल्लो पेटको अपरेशनको लागि समेत सदस्य राहतका कार्यक्रम सञ्चालन गरी सदस्यहरुको लोकप्रिय संस्था बनेको छ । संस्थाले एक्सीस ब्रोञ्ज समेत प्राप्त गरेको छ ।
संस्थाका अध्यक्ष विकास वादेको सभापतित्वमा तथा राष्ट्रिय सहकारी संघका अध्यक्ष मिनराज कडेलको प्रमुख आतिथ्यतामा सम्पन्न भएको हो । विशिष्ट अतिथि बनेपा नगरपालिकाका नगरप्रमुख शान्ति रत्न शाक्य हुनु हुन्थ्यो । जिल्ला वचत तथा ऋण सहकारी संघ लि. का उपाध्यक्ष सागरनाथ कपाली, नेपाल पत्रकार महासंघ काभ्रेका अध्यक्ष बद्रीराज तिमल्सिना कानुनी सल्लाहकारद्वय इन्द्रनारायण भैल, बालभक्त प्रधान लगायतको आतिथ्यता रहेको थियो ।