वृद्धाप्रति लायन्सद्वारा सम्मान

काभ्रे । जीवनको उत्तरार्धमा आएर पीडादायी जीवन व्यतित गरिरहनुभएका ९५ वर्षिय रत्नमाया खड्गीप्रति लायन्स क्लब अफ काठमाडौं इन्द्रेश्वर ३२५ आइ नेपालले ह्विल चियर दिएर मानवीय नमूना प्रस्तुत गरेको छ ।
विगत ३ वर्षदेखि उज्यालो कस्तो हो भन्ने अनुभूति गर्न नपाउनुभएका खड्गीका बारेमा सामाजिक व्यक्तित्व राजु मधिकर्मीले जोन चियरपर्सन लायन प्रल्हाद शर्मा हुमागाईंलाई जानकारी गराएपश्चात् लायन्सको “हामी सेवा गर्छाैं” भन्ने मूल मर्मलाई आत्मसाथ गर्दै वृद्धाप्रति सम्मान स्वरुप ह्विल चियर उपलब्ध गराइएको हो । सो अवसरमा रत्नमाया खड्गीका नातिनी बुहारी रबिना खड्गी र शान्ता लाकोजू खड्गीका अनुसार हजुरआमाले विगत ३ वर्षदेखि घाम देख्न पाउनुभएको छैन भन्दा नि फरक नपर्ने गुनासो राख्नुभएको थियो ।
आफ्नो आवास अनुकूल अनुसार नहुनु र वृद्ध शरीर बोकेर बाहिर भित्र गर्दा सन्दीसर्पन पर्ने डरले गर्दा हजुरआमाले कोठाभित्रै खुम्चिन बाध्य हुनपुग्नु भयो । अब उहाँको बाँकी जीवन सहज रुपमा पार गर्नका लागि लायन्सको तर्फबाट प्राप्त यो ह्विल चियर अनुकरणीय सावित भएको छ । यो अनुकरणीय कार्यका लागि लायन्स क्लब अफ काठमाडौं इन्द्रेश्वर र यसमा महत्वपूर्ण भूमिका खेल्नुहुने जोन चियर पर्सनप्रति खड्गी परिवार आभार व्यक्त गर्दछ ।
यसैगरी उक्त कार्यक्रममा महत्वपूर्ण भूमिका निर्वाह गर्न आइपुग्नुभएका वडा अध्यक्ष रामलाल दुवालको टिप्पणी छ– यस्ता मानवीय सेवामा समर्पित संघसंस्थाप्रति स्थानीय सरकार सकारात्मक रहेको बताउनुभएको छ । यसैबीच यस अभियानमा पिडित वृद्धासम्म जोड्न महत्वपूर्ण भूमिका खेल्ने राजु मधिकर्मीको कथन छ– हामीले हामीभित्रकै महत्व बिर्सिएका रहेछौं ।

मानवीय सेवाका लागि हाम्रै बस्ती वरिपरि हजारौं हातहरु तयार हुँदा पनि चिन्न नसक्नु हाम्रो कमजोरी नभनेर के भनौं ? यस किसिमका मानवीय सेवामा महत्वपूर्ण सहयोग पु¥याउने लायन्स क्लब अफ काठमाडौं इन्द्रेश्वरका जोन चियर पर्सनप्रति वडा कार्यपालिका समितिको तर्फबाट आभार व्यक्त गर्नुभएको छ ।