अर्थ–अर्थमा देश

जेबी खत्री

परायाको हेपाहा
र दलाहा प्रवृत्तिप्रति
हामी बेलाबेला
झण्डा उचालेर
चिच्याउँने गर्छौ ।
देशभक्तिका कुरा गर्छौ ।
देशप्रतिको माया दर्शाउँछौँ ।
सार्वभौमसत्ता सम्पन्न
स्वाधिन राष्ट्र भनेर कराउँछौँ ।
सगरमाथासँग लगेर शिर जोड्छौँ ।
पुर्खाको बीरता ओकल्छौँ ।
इतिहास खोतलेर
बीरताको बयान गछौँ ।
उसबेलाको बृटिश साम्राज्यबादलाई
खुकुरीको भरमा धपाउँन सक्ने
साहस चानचुने थिएन ।
साँच्चै विश्वमा हाम्रो पहिचान
बीरता नै हो ।
यो शान हामीलाई
पुर्खाले नै दिएका हुन् ।
वृटिश साम्राज्यवादीहरूलाई
खुँडाखुकुरी उठाएर
यहाँबाट लखेट्ने
हाम्रा पुर्खाहरू
कति साहसी र आँटी
लखेटेकै हो हामीले
हाम्रो धरतीबाट
हाम्रो धरतीमा
हामी टेक्न दिदैनौँ
हाम्रो माटो छुनसम्म दिदैनौँ भनेर ।
परपर पारेकै हो
सारा नेपाली
एक भएर
लडेकै हो ।
हाम्रो माटोमा
तिनलाई टेक्न
नदिएकै हो,
त्यसबेला हामीले
तर अहिले
त्यो अवश्था रहेन ।
समयको परिवर्तनसँगै
वैरीहरू नयाँनयाँ ढङ्गले
आक्रमण गरि रहन्छन् ।
समय अनुकूल हेरेर
नयाँनयाँ अस्त्रहरू
प्रयोग गरिरहन्छन् ।
जसले तिमीलाई
भत्काउँनु छ ।
आफ ूअनुकूल
चलाउँनु छ ।
उपयोग गर्नु छ ।
जो अहिले प्रयोग भइरहेछन् ।
खवरदार,
हामीले बुझ्नु पर्ने कुरा
देश भनेको
माटो मात्र होइन ।
राष्ट्रियता पनि हो ।
स्वाधिनता पनि हो
सार्वभौमिकता पनि हो ।