सिरहामा हवाई फायर गरेर दुई भारतीय लागुऔषध कारोबारी पक्राउ

सिरहा / सिरहाको मार्डरमा प्रहरीले एक राउन्ड हवाई फायर गरी दुई जना भारतीय लागुऔषध कारोबारीलाई पक्राउ गरेको छ।

लागुऔषध नियन्त्रण ब्युरोका अनुसार उनीहरूको साथबाट ३०० ग्राम खैरो हेरोइन र एउटा मोटरसाइकल बरामद गरिएको छ।

आज बिहान गस्ती टोलीलाई देखेपछि भाग्न खोजेका उनीहरूलाई प्रहरीले हवाई फायर गरी नियन्त्रणमा लिएको हो।