पुण्य माविका विद्यार्थीलाई न्यानो कपडा

पनैती/पनौती नगरमा रहेको पुण्य माविका विद्यार्थीलाई न्यानो कपडा वितरण गरेको छ । विद्यालयमा अध्ययन गर्ने २ सय २५ जना विद्यार्थीलाई रणवहादुर जंगम,पुर्ण लक्ष्मी जंगम र प्रेम कर्माचार्यको स्मृतिको अवसरमा न्यानो कपडा वितरण गरेको हो ।

पनौतीका समाजसेवी, पुण्य मा.वि का पुर्व व्यवस्थापन समितिका अध्यक्ष रण वहादुर जंगमका जेष्ठ सुपुत्र धनवहादुर जंगमले स्व. पिता रणवहादुर जंगम र स्व. धर्म पत्नि पुर्ण लक्ष्मी जंगमको स्मृतिमा पुण्य मावि पुर्व विद्यार्थी तथा नगरपालिका वडा नं ७ का वडा सदस्य प्रतिनिधि पुरूषोत्तम कर्माचार्य वाट स्व. पिता प्रेम कर्माचार्यको स्मृतिमा पुण्य मा वि का २ सय २५ जना विद्यार्थीहरूका लागि जाडोको न्यानो लुगा स्वेटर छात्रवृत्ति सहयोग गरियो ।

न्यानो कपडा वितरण कार्यक्रममा त्रिवेणीधाम सरसफाइ संघका अध्यक्ष मच्छेमाया जंगमको आतिथ्यतामा सम्पन्न भएको थियो । पुण्य मा वि विद्यालय व्यवस्थापन समितिका अध्यक्ष राजेन्द्र कुमार कर्माचार्यको सभापतित्वमा सम्पन्न उक्त कार्यक्रममा विषेश अतिथिको भुमिका पनौती नगरपालीका वडा नं ७ का वडा अध्यक्ष रामचन्द्र नास्नानि रहनु भएको थियो । शिक्षक वालकृष्ण प्रजापतिले सञ्चालन गर्नुभएको उक्त कार्यक्रममा शिक्षक रूपा थापाले अतिथिहरूको स्वागत र कार्यक्रम माथि प्रकाश पार्नु भएको थियो ।

कार्यक्रममा प्रधानाध्यापक सरस्वती कनेलले विभिन्न संघ संस्थाहरूले विद्यालयलाई माया गरेर विभिन्न तरिकाबाट सहयोग हुँदै आएकोमा संपूर्ण दाताहरू प्रति हार्दिक आभार तथा धन्यवाद व्यक्त गर्नुभयो । शैक्षिक स्तर वृद्धिमा अग्रसर रहेको र शिक्षकहरू योग्य,अनुभवी तथा तालिम प्राप्त भएका कारण आगामि शैक्षिकसत्र देखि कक्षा ९ मा अभिभावक तथा विद्यार्थीहरुको चाहना अनुसार अंग्रेजी तथा नेपाली माध्यमबाट कक्षा संञ्चालन गर्ने बताउनु भयो ।

विद्यालयमा रहेका विद्यार्थीहरुलाई न्यानो कपडा बितरणको लागि पुरूषोत्तम कर्माचार्य वाट २५ हजार ५ सय र ७८ हजार धनवहादुर जंगमबाट सहयोग भएको थियो । कार्यक्रममा वडा अध्यक्ष रामचन्द्र नास्नानिले केही वर्षमा नमुना विद्यालय वन्न सक्ने र राजेन्द्र कर्माचार्य अध्यक्ष भए देखि सहयोग हुँदै आएको कुरा व्यक्त गर्नु भएको थियो । उहाँले थप्नुभयो महिला प्रधानाध्यापक भएर पनि चुनौती दिदै संपूर्ण शिक्षकहरू अहोरात्र खटेर विद्यार्थीको नतिजा उत्कृष्ट वनाउन जोड दिएको उल्लेख गर्दै विद्यालयको हितको लागि निरन्तर लागि रहने बताउनु भयो ।