विद्यालय शिक्षाको गुणस्तर सुधारका लागि मा. वि. तहका वि.व्य.स. अध्यक्ष तथा प्र.अ.हरुसँग छलफल तथा अन्तरकृया कार्यक्रम सम्पन्न

काभ्रे । विद्यालयलाई राजनीति गर्ने थलो नबनाउन आग्रह गर्दै रोशी गाउँपालिकाको अध्यक्ष डि.वि. लामाले विद्यालयको शैक्षिक स्तरलाई उकास्न विद्यालयहरुको अभ्यास कस्तो छ, समस्या के हो, चुनौति के हो र त्यसको हल के हो भन्ने विषयमा छलफल गरी प्रत्येक विद्यालयको उत्कृष्ट विषय वस्तुलाई समावेश गरी आगामी दिनमा नीति तथा कार्यक्रम बनाउन सहयोग हुने कुरा बताउनुभयो ।

रोशी गाउँपािलकाको कार्यालय कटुन्जेवेशीमा भएको अन्तरकृया कार्यक्रमका क्रममा पालिकाको शिक्षा शाखा प्रमुख राम बहादुर तामाङले विद्यालय शिक्षाको गुणस्तर, गुणस्तरका मापदण्ड तथा सूचकहरु, शैक्षिक गुणस्तरका राष्टिय तथा अन्तराष्टिय अभ्यासहरु, शिक्षाको सुधारका लागि नीतिगत व्यवस्था, विद्यालय शिक्षाको गुणस्तरमा देखिएका समस्या तथा चुनौतिको विषयमा छलफल भएको बताउनुभयो ।
त्यसैगरी कार्यक्रममा प्रमुख प्रशासकिय अधिकृत र शिक्षा शाखा प्रमुख विच सम्पन्न कार्यसम्पादन करार सम्झौता आदान प्रदान भएको जसमा आ. व. २०७७।७८ को नीति तथा कार्यक्रमको कार्यन्वयन गर्न गराउन मञ्जुर भई एक एक प्रति आपसमा बुझि लिएको, दिएको, पहिलो पक्षले दोस्रो पक्षको कार्यसम्पादन मूल्यांकनमा प्रयोग गर्ने, सम्झौतामा उल्लेख नभएको कुरा प्रचलित नेपाल कानुन बमोजिम हुने भएको जस्ता सूचकमा आधारित भएर करार सम्झौता गरेको शिक्षा शाखाका प्रा.स. राजेन्द्र सिग्देलले जानकारी दिनुभयो ।

कार्यक्रमा रोशी गाउँपालिकाका १६ ओटा माध्यमिक विद्यालयका प्रधानाध्यापकहरुले आ आफ्नो विद्यालयको विगत देखि वर्तमा सम्म गरेका कार्यहरु, समस्या चुनौतिहरु अभ्यासहरु तथा भावी योजनाको विषयमा प्रस्तुतीकरण गरिएको थियो भने वि.व्य. स. अध्यक्षहरुको पनि सहभागिता रहेको प्रा.स. राजेन्द्र सिग्देलले जानकारी दिनुभयो ।