आई.सि.यु बाटै सामाजिक कार्यलाई सहयोग,सामाजिक व्यक्तित्वलाई घरैमा गई सम्मान

पाँचखाल-सामाजिक कार्यको हितको लागि काँही कतै नचुकी निरन्तर रुपमा सहयोग गर्दै आउनुभएका पाँचखाल ३ काफ्लेडिही निवासि उपेन्द्र बानियाँले आफु पुर्ण रुपमा असक्त भई काठमाडौ बालकुमारी स्थित गौतम बुद्ध ईन्टरनेशनल कारडिओ (मुटु रोग) अस्पतालमा उपचारको लागि आइ.सि.युमा भर्ना भइरहेको अवस्थामा समेत अस्पतालबाटै सामाजिक कार्यको लागि ५५ हजार १ सय ५५ सहयोग गर्नु भएको थियो ।

पाँचखाल ६ तिनपिप्ले बजारमा रहेको कृष्ण मन्दिर निर्माण कार्य सम्पन्न गर्ने उद्देश्यले लगाईएको श्रीमद् भागवत १०८ सप्ताह विराट ज्ञान महायज्ञ २८ औं भागवतमा बानियाँले सहयोग गर्ने मनसाय व्यक्त गर्दै टेलिफोनबाट जानकारी गराउनु भएको थियो । उहाँ भागवत अवधिभर अस्पतालमै रहनु भएकोले सप्ताहमा उपस्थित हुन सक्नु भएको थिएन ।

भागवत मुल आयोजक समितिले आफु पुर्ण रुपमा अश्वस्थ भई आइ.सि.यु कक्षमा रहेर उपचार गराई रहेको अवस्थामा पनि समाज साथै विकास निर्माण प्रति सद्भावको उच्च कदर गर्दै वानियाँको निवासमै पुगि सम्मान गर्ने निर्णय गरेको थियो । सोही अनुसार मुल आयोजक समितिका टोलीले निवासमै पुगी उपेन्द्र बानियाँ साथै उहाँको धर्मपत्नी मिरा बानियाँलाई सम्मान गरेको थियो । वानियाँ सामाजिक हितको लागि पाँचखाल र आसपासको क्षेत्रमा लगाईने कुनै पनि सप्ताहमा उपस्थित रहेर सहयोग गर्ने गरेको धेरै उदाहरणहरु रहेका छन् ।