सामाजिक सुरक्षा भत्ता वितरणमा सहजताको पहल

पाँचखाल-पाँचखाल नगरपालिकामा सामाजिक सुरक्षा समन्वय समितिको बैठक बसि भक्ता बितरणमा कसरी सहजता ल्याउने भन्ने बिषयमा छलफल भएको छ ।
नगरका उप—मेयर लक्ष्मी दनुवारको अध्यक्षतामा बसेको उक्त बैठकले बृद्धबृद्धाहरुको समस्यालाई मध्य नजर राख्दै सहजताको लागी पहल गर्ने निर्णय भएको छ ।

कार्यबिधिमा उल्लेख भएको परिधिमा रहेर भक्ता बुझ्नको लागि बैक सम्म आउन नसक्ने अशक्तहरुका लागि सम्बन्धित वडाको सिफारीसको आधारमा इच्छाईएको व्यक्ति मार्फत भक्ता उपलब्ध गराउने साथै उक्त रकम सम्बन्धित व्यक्ति समक्ष पु¥याउने क्रममा जनप्रतीनिधिले समेत साथ सहयोग गर्ने बिषयमा केन्द्रित रहेर छलफल भएको थियो ।

त्यसैगरी कार्यबिधिको आधारमा बैंक खाता हेरफेर गर्नु पर्ने अवस्थालाई मध्यनजर राख्दै सम्बन्धित वडाका वडा अध्यक्षको समन्वयमा बृद्धबृद्धाहरु साथै अशक्तहरुको पायक पर्ने स्थानमा बैंकको टोली समेत पुगी खाता खोल्ने व्यवस्था मिलाउने निर्णय भएको छ । नेपाल बैंक लिमिटेड पाँचखालका शाखा प्रबन्धक र लक्ष्मी बैंक लिमिटेडका प्रबन्धक समेतको उपस्थितिमा नगरका प्रमुख प्रशासकीय अधिकृत लोक वहादुर भण्डारी समेतको रोहवरमा उक्त छलफल भएको थियो ।