रेडियोलाई सहयोग गर्छौं – न्यौपाने, मध्यपुर्वबाट थापा,जंगम र श्रेष्ठ सम्मानित

आर.एल.श्रेष्ठ

पनौती-अरनिको जागरण मञ्चको १३ औं बर्षमा प्रवेश गरेको अवसरमा विभिन्न समाजसेवि व्यक्तित्वहरुलाई सम्मान साथै विविध साँस्कृतिक कार्य गर्दै सम्पन्न गरेको छ । मध्यपूर्वसम्मान २०७६ तथा सास्कृतिक कार्यक्रम पनौती नगरपालिकाका प्रमुख भिम न्यौपानेको प्रमुख आतिथ्यतामा सम्पन्न भएको थियो ।

हरितालिका तिजको अवसरमा सम्पन्न कार्यक्रमका प्रमुख अतिथि एवं पनौती नगरका प्रमुख न्यौपानेले रेडियोलाई आबश्यक सहयोग गर्ने बताउनू भयो । उहाँले थप्नुभयो महिलाहरूले ब्रत गर्दा आफ्नो स्वास्थ्यको ख्याल गर्नुपर्ने बताउनु भयो । कार्यक्रममा “मध्यपूर्व सम्मान २०७६“बाट संस्थागत कुशादेबी माबी ,बितिय सेबा तर्फबाट प्रदिप थापा ,महिला स्वयंसेवक तर्फ मच्छेमाया जंगम र सामाज सेबा तर्फ भक्त बहादुर श्रेष्ठलाई सम्मान गरिएको थियो ।

कार्यक्रममा रेडियो पर्यावरणका अध्यक्ष एबं अरनिकोजागरण मञ्चका संस्थापक अध्यक्ष अष्टमान (किसी) महर्जनले पनौती नगरपालिकाले मध्यपूर्व एफ एमलाई सहयोग गरेर अगाडी बढ्नू पर्ने बताउनू भयो । त्यसैगरी नेकपाका नेता होम बहादूर खूलालले पनौतीबाट चाडै संचालनको लागि तयारी अवस्थामा रहेको एफ एमलाई आफ्नो तहबाट सहयोग गर्ने बचन बद्धता व्यक्त गर्नुभयो ।

कार्यक्रममा महिला संघ पनौतीका सभापति अन्जु रंजित केसीले मध्यपूर्व एफ एम पनौतीबाट प्रशारणमा ल्याऊनको लागी संम्बन्धित निकायबाट चाडोभन्दा चाडो सम्बन्धन प्राप्तहोस् र पनौतिबाट चाडै प्रशारणको लागि शुभकामना दिनुभयो । त्यस्तै अखिल नेपाल महिला संघका अध्यक्ष शोभा राजभण्डारीले पनौति एउटा एफ एम आबश्यक भएको बताउनु भयो । अखिल नेपाल महिला संघ क्रान्तिकारीका अध्यक्ष जमुना सापकोटाले तीजलाई परम्पराको अनुसरण भन्दापनि स्वास्थ्य अनुकुल मनाउनु पर्ने धारणा राख्नुभयो । उहाँले मध्यपूर्व एफ एम पनौती प्रशारणमा हुने खबरले आफु हर्षित भएको साथै आफ्नो तर्फबाट सहयोग गर्ने बताउनु भयो ।