शिक्षा ऐन विपरित रकम अशुल्दै सामुदायिक विद्यालय

धुलिखेल-धुलिखेल नगरपालिका वडा नं ५ मा रहेको श्रीखण्डपुर माध्यमिक विद्यालयले विद्यार्थीहरुसंग शिक्षा ऐन विपरित रकम असुल्दै आएको छ ।
शिक्षा ऐन नियम र निर्देशिका मिचेर सामुदायिक विद्यालयले एस.इइ पास गर्ने विद्यार्थीहरुसंग प्रमाणपत्र तथा चारित्रिक प्रमाणपत्र लिंदा प्रति विद्यार्थी रु तीन हजारका दरले रकम असुल्ने गरेको एक विद्यार्थीले जानकारी दिए ।

विद्यालयका एक अभिभाबकका अनुसार नियम विपरित रकम अशुल्न नपाईने तर्क गर्दै विद्यालय प्रशासन र विद्यायय व्यवस्थापन समितिका अध्यक्षसंग वादविवाद समेत गरेको जानकारी प्राप्त भएको छ । यसरी अभिभावकहरुले विद्यार्थीहरुसंग लिएको रकमको विरोध गर्दा समेत असुल्ने कार्य भने निरन्तरतै रहेको गुनासो गर्छन विद्यार्थीहरु ।

यस्तो क्रियाकलापको बिषयमा सोहि विद्यालयमा कार्यरत शिक्षकहरुले समेत विरोध जनाउंदै आएका छन् । विद्यालयका एक शिक्षकका जनुसार एस.इइका विद्यार्थीहरुसंग मात्रै नभई विद्यालयमा अध्ययन गर्ने अन्य विद्यार्थीहरुसंग पनि नियम विपरित रकम असुल्ने गरेको छ । सरकारले सामुदायिक विद्यालयले कुनै शुल्क लिन नपाउने भनेपनि विद्यालयले शिक्षा ऐन र नियमावलि विपरित विद्यार्थी भर्नामा समेत विभिन्न शुल्क लगाउने गरेको स्रोतको भनाई छ ।

त्यसैगरी श्रीखण्डपुर माविमा कक्षा ११ र १२ मा समेत दिवा सत्र सचालन भएको छ । सो विद्यालयमा अध्यापन गराउने शिक्षकहरुलाई थप सुबिधा नदिंदा शिक्षकहरुले विद्यार्थींहरुलाई आफुले बिहानि कक्षा लिने नीजि कलेजहरुमा आकर्षित गराई लाने गरेको कारण ११ कक्षामा हाल जम्मा ४ जना विद्यार्थी अध्ययन गर्ने गरेका छन् ।

सो विद्यालयमा उच्च माविको दर्वन्दि दुई जना रहेको छ । एउटा शैंक्षिक संस्थामा अध्यापन गराउने शिक्षककले अर्को शैक्षिक संस्थामा अध्यापन गर्न शिक्षा विकास तथा समन्वय इकाईबाट स्वीकृति लिनु पर्ने प्रावधानलाई तोड्दै त्यहाँका शिक्षकहरु स्थानिय बिद्यार्थीहरुलाई समेत प्रभावित पार्दै अन्य कलेजहरुमा समेत अध्यापन गर्ने कारण श्रीखण्डपुर मा.विको भविष्य अन्योलमा रहेको स्थानिय अभिभावकहरुको भनाई रहेको छ । यस्ता बिषयमा संम्बनिधत निकाय मौन रहनुले उक्त विद्यालयमा मात्र नभई अन्य शैक्षिक संस्थामा समेत शिक्षा ऐन नियम निर्देशन विपरितका कृयाकलाप भैरहेको हुन सक्ने स्थानियको अनुमान छ ।

विद्यदालय व्यवस्थापन समिवितका अध्यक्ष समेत मौन रहि विद्यालयले गरेको आर्थिक अनियमितताको छानविन गरी सर्व साधारनलाई नियम विपरित अशुलेको रकम प्रधानाध्यापक र विद्यायल व्यवस्थापन समितिका अध्यक्ष मार्फत फिर्ता गराउन सम्बन्धित निकायको ध्यान जान जरुरी रहेको छ ।