जिल्ला प्रशासन कार्यालयको सूचनाप्रति असहमत जनाउँदै विरोध प्रदर्शन

धनी राम कोरी
कपिलवस्तु/कपिलवस्तु जिल्ला को सदरमुकाम तौलिहवामा नेपाल विश्व हिन्दु महासंघका कपिलवस्तु जिल्ला कार्यसमितिद्वारा कपिलवस्तु जिल्ला प्रशासन कार्यालयद्वारा १९ गते जरुरी सुचनामा चाडपर्वका बेला भीडभाड, मुर्ति स्थापन तथा विसर्जन नगर्न गराउन रोक लगाएपश्चात त्यसको विरोध स्वरुप तौलिहवा प्रदर्शन गरिएको थियो ।
कार्यक्रममा महासंघका जिल्ला कार्यसमितिका अध्यक्ष उदय भान यादवले सम्बोधन गर्दै हिन्दुहरुको महान चाडपर्व दुर्गा पुजा गर्न रोक लगाएर नेपाल सरकारले के गर्न खोजेको छ ? हिन्दुहरु चाडपर्वले गर्दा मात्र कोरोना सर्छ ? सरकारी कार्यालय, बैंक, सार्वजनिक बसहरु खुलेको छ, के यो सबबाट कोरोना सर्दैन तर पुजा गर्दैमा कोरोना सर्छ सरकारले के हिन्दुहरु माथि के गर्न खोजेको छ भन्दै नेपाल विश्व हिन्दु महासंघको ध्यानाकर्षण भएको बताएका थिए ।
यो बन्दाबन्दीमा धेरै घटनाहरु घटिरहेको छ । नेपालको सिमा धेरै ठाउँमा मिचिएको छ । कारोनाको बहानामा हिन्दु संस्कार माथि अतिक्रमण भएको अध्यक्ष यादवले बताएका छन् । सरकारले हाम्रो कुरा सुन्नु भएन भने यो भन्दा विरोध कार्यक्रमबाट अन्दोलनको सुरुवात हुन्छ अनि पूरा कपिलवस्तु बन्द गर्छाै भन्ने चेतावनी समेत अध्यक्ष यादवले दिएका थिए ।
महासंघका लुम्बिनी प्रदेशको महासचिव निरञ्जन यादवले सामाजिक दुरी कायम गरेर दुर्गा पुजा गर्नको लागि जिल्ला प्रशासन कार्यालयमा अनुरोध गर्दै हिन्दु संस्कार र संस्कृति माथि अतिक्रमण गरिन खोजिएको बताएका छन् । यो जुन अतिक्रमण गरिएको छ यो हामीहरुले मान्ने छैनौं । जिल्ला प्रशासनबाट जुन सुचना निकालिएको छ, त्यो एक महिना पहिले निकालिएको भए मुर्तिकारहरुलाई गरेको लगानी खेर जाने थिएन । अहिले आएर जुन सूचना सम्प्रेषण गरिएको छ, त्यसप्रति हाम्रो गम्भीर आपत्ति रहेको समेत महासचिव यादवले व्यक्त गरेका थिए ।

नेपाल विश्व हिन्दु महासंघका कपिलवस्तु जिल्ला कार्यसमितिका अध्यक्ष यादवको अध्यक्षता र लुम्बिनी प्रदेशका महासचिव निरञ्जन यादवको उपस्थितिमा रामघाट देखि शान्तिपूर्ण ¥यालीमा मोटरसाइकल, साइकल र ट्याक्टरको साथमा बुद्ध पद्म माध्यमिक विद्यालयको खेल मैदानमा गएर विद्यालयबाट पैदल ¥याली निकालेर जिल्ला प्रशासन कार्यालयसम्म ¥याली गरिएको थियो ।
¥यालीमा पोष्टर, प्लेकार्ड लिएर र हिन्दुहरुको झण्डाको साथमा ¥याली भएको थियो । पोष्टरमा मिचिएको नेपाली भुमि फिर्ता गर, चिनिया अतिक्रमण बन्द गर, चौतर्फी सीमा सुनिश्चित गर, चिनिया विस्तारवाद मुर्दावाद हिन्दु धर्म संस्कृति माथि हस्ताक्षेप बन्द गर, कोरोनाको बहानामा दशै तिहारलाई निशाना बनाउन पाइँदैन, मुर्ति बनाई पूजा अर्चना एवम् विसर्जनमा रोक्न पाइदैन र हिन्दु मठ मन्दिर र चाडपर्वले मात्र कोरोना फैलिन्छ सरकार ? जस्ता बुँदाहरु लेखिएका थिए ।
नेपाल विश्व हिन्दु महासंघको माग भनेको मुर्ति स्थापन तथा विसर्जन गर्ने र पुजा गर्न पाउनु पर्छ भन्ने नै हो । यो गर्न मिलेन भने नेपाल विश्व हिन्दु महासंघको विरोध प्रदर्शनबाट आन्दोलनको सुरुवात हुन सक्छ ।
कपिलवस्तु जिल्लाको महाराजगन्ज नगरपालिका, कृष्णनगर नगरपालिका, शिवराज नगरपालिका, कपिलवस्तु नगरपालिका, बुद्धभुमि नगरपालिका, मायादेवी गाउँपालिका र शुद्धोधन गाउँपालिका लगायत सबै पालिकाबाट ठुलो संख्यामा विरोध प्रदर्शनमा उपस्थिति रहेका थिए ।