ग्यास लिक हुँदा पसल ध्वस्त

काभ्रे (पाँचखाल) । पाँचखाल नगरपालिका वडा नं ५ खावामा क्याफे (सरप्राईज क्याफे एण्ड वेकरी हाउस) मा एभरेष्ट ग्यांस सिलिण्डर लिक हुंदा आगलागि भएर ध्वस्त भएको छ ।
सम्बन्धित वडाका वडा अध्यक्ष वालकृष्ण सापकोटाका अनुसार क्याफेका प्रोपाईटर शुसिलराज गिरीले आफ्नो पसलमा आगलागि भएको जानकारी गराएपछि जानकारी पाई घटनास्थल पुग्दा एभरेष्ट ग्यांसको सिलिण्डरको निप्पल लिक हुंदा आगलागि भएको पाईयो ।
पाँचखाल वडा नं ५ का वडा अध्यक्ष वालकृष्ण सापकोटाले घटनाको बिषयमा थप जानकारी गराउने क्रममा बताउनु भयो—घटनाबाट भएको क्षतिको बिषयमा जानकारी लिनको लागि खावा अस्थाई प्रहरी चौकिका प्रहरी साथै स्थानियहरुको उपस्थितिमा विवरण लिने कार्य भएको बताउनु भयो । उहाँका अनुसार फर्निचर, फ्रिज, डिस्प्ले फ्रिज, माइक्रो ओभन, बेकरीका सामानहरु, भाँडाकुंडाहरु, स्टेशनरी र लत्ताकपडा समेत गरी ४ लाख ३० हजारको क्षति भएको जानकारी प्राप्त भएको थियो ।
एभरेष्ट गाँस कम्पनिको लापर्वाहिले गर्दा घटना घट्यो, यस्ता घटनाहरु दिनपर दिन बढ्दै गएको छ , कम्पनिहरुको लापरवाहीको कारण दुर्घटना भएर धेरैले ज्यान गुमाई सकेको वडा अध्यक्ष सापकोटाले बताउनु भयो । उहाँले थप्नुभयो गुणस्तरहिन सिलिण्डरको प्रयोग, सिलिण्डरको गुणस्तरताको बिषयमा चेकजाँच नगर्नुले गर्दा घटनाहरु हुनेगरेको हो ।