नगरको लापरवाही, ६ महिना नबित्दै सकड भत्कियो

उर्मिला यादव
महाराजगञ्ज । पछिल्लो समय स्थानीय तहदेखि राष्ट्रिय स्तरसम्मका योजनाहरु सम्पन्न कागजी रुपमा हुँदै आएको तथ्य महाराजगञ्ज नगरपालिका वडा नं. १ मा निर्माण भएको कच्ची सडकले चित्रण गरेको छ ।
स्थानीय सरकारले विकास निर्माणतर्फ कतिको चासो दिएको छ भन्ने कुरा सो सडकको अवस्थाले पुष्टि गर्दछ । कपिलवस्तुको महाराजगन्ज नगरपालिकाले निर्माण भएको मुख्य सडक अन्तर्गत पर्ने पक्की सडक ६ महिना नबित्दै भत्किन थाल्नुले यि आरोपहरुलाई पुष्टि गर्दछ ।

महाराजगन्ज सहरी विकास अन्तर्गत ढल निकास तथा सडक स्तरोन्नती योजना अन्तर्गत नाली तथा सडक कालो पत्रे १ करोड ५६ लाख १२ हजारको लागतमा पि.आर पन्थ जे.भी कम्पनीले निर्माण निर्माण गरेको छ । यस सडक निर्माण कमसल सामग्रीको पनि प्रयोग गरिएको स्थानीयको आरोप छ ।

जनताको करबाट नगरपालिकाले निर्माण गरेको सडक ६ महिना नचल्नु यसमा ठेकेदारको लापरबाही हो कि नगरपालिका को मिलेमतोमा यस्तो सडक निर्माण भएको छ । नगरपालिका र ठेकेदारको मिलेमतोमा सडकमा कमसल सामग्रीको प्रयोग भएको स्थानीयवासी योगेन्द्र चौधरीको आरोप छ ।
सो सम्बन्धमा नगरपालिकाका प्राविधिक प्रमोद चौधरीसंग बुझ्दा सडक गुणस्तरीय निर्माण भएको छ । जुन ठाउँमा सडक भासिएको छ त्यो ठाउँमा निर्माण कम्पनीले पुनर्निर्माण गर्नुपर्दछ । यता निर्माण कम्पनी पि.आर पन्थ जे.भी ले भने स्टिमेट अनुसार काम भएको छ । नयाँ माटो कटानका कारणले सडक केही ठाउँमा भासिएको हुनुपर्छ तर सडक भने गुणस्तरीय सामग्रीको प्रयोगबाट निर्माण भएको दावी कम्पनीले गरेको छ । यसमा कमसल सामग्रीको प्रयोग भएको छ कि छैन स्थानीयवासीको प्रतिप्रश्न पनि रहेको छ । यो अवस्था आउनुमा नगरपालिकाको अनुगमन समिति जिम्मेवार रहेको स्थानीय नगरवासीहरुको गुनासो छ ।