सामाजिक अभियान्ता कर्माचार्यको मानवीय सेवा

काभ्रे । सामाजिक रुपमा छुट्टै पहिचान बनाउन सफल पनौती नगरपालिका वडा नं ७ का वडा निर्वाचित सदस्य पुरुषोत्तम कर्माचार्यले पनौतीस्थित माधव नारायण भजनकृतन समूहका वृद्धवृद्धालाई आज एक समारोहको बिच न्यानो कपडा वितरण गर्नुभएको छ ।
पनौतीमा रहेका श्रद्धालु भक्तजनहरुलाई सम्बोधन गर्ने क्रममा कर्माचार्यले भजनकृतन समूहका ६० भन्दा बढी वृद्धवृद्धाहरुलाई सो अवसरमा न्यानो कपडा वितरण गर्नुभएको हो ।
सदा झैं यो वर्ष पनि जाडोले पार्ने समस्यालाई मनन् गर्दै कर्माचार्यले जाडो समयमा भजनकृतन समूहका वृद्धवृद्धालाई न्यानोका लागि कपडा वितरण गरेको बताउनुभएको छ । बिहान बेलुकाको समयमा अत्याधिक जाडो हुने भएकाले भजनकृतन समूहका वृद्धवृद्धाको स्वास्थ्यलाई मध्यनजर गर्दै न्यानो कपडा वितरण गरिएको कर्मचार्यले जानकारी दिनुभयो ।
पनौती नगरपालिका वडा नं ७ का वडा अध्यक्ष रामचन्द्र नास्नानीको प्रमुख आतिथ्यतामा वृद्धवृद्धालाई न्यानो कपडा वितरण गरिएको हो । उक्त कार्यक्रममा वडा अध्यक्ष नास्नानी, मूलजात्रा व्यवस्थापन समितिका अध्यक्ष कृष्णधन कर्माचार्य, भजनकृतन समूहका संयोजक पृथ्वी नारायण सोनाम, नेपाल पत्रकार महासंघ काभ्रेका पूर्व अध्यक्ष मोतिराम तिमल्सिना लगायतले मन्तव्य राखेका थिए । न्यानो कपडा वितरण कार्यक्रममा वडा सदस्य पुरुषोत्तम कर्माचार्यकी ममतामयी आमा न्हुच्छे माया कर्माचार्यको पनि सहभागिता रहेको थियो ।